Merheba pismam,
Tê bêjî qey min nameya xwe ne ji te re lê ji dîwarekî re, ji qurmekî re nivîsandiye. Te dev û diranê min bişkanda, çêr û nifiran li min bikira lê te (pirsên) nameya min bêbersiv nehişta. Ma qey tesîrek nameyên me jî li hev çênabe? Heger karê te hebe, bêje karê min heye, heger ji dilê te nayê bêje ji dilê min nayê, lê ji min re nameyên rût î tenê bi xêr û xweşî û wêneyekî neşîne, dû re ji dilê min nayê tiştekî binivîsim, dibêjime xwe, ê ma ez ji kê re dinivîsim, jixwe ne li ser bala wî ye. Min ewqas pirs ji te kirine, li te pirsiye.
Bi xatirê te.
Înanolo
