Nifirên bi şêranî..

Înanolo,

Te xwezila di nameya xwe de behsa şêraniyê nekira. Îşev wexta ez ji hilbijartina Baroya Amedê vedigeriyam mal, di rê de nameya te hat bîra min û ez dageriyam çûm ba Levent Usta. Hez dikim ji navên hostayên şêraniyê: Saim Usta, Levent Usta, Sıtkı Usta û çendekên din lê mesele ne ew e. Mesele vê şevê nî-şevê medê min li hev dikeve. Pêleke germ ji medê min radibe heta qirika min tê û diçe. Sûcdar tu yî û şêraniya te ye, tew mebê na!

Tu tim dibêjî hinekî behsa xwe bike, dûr û dirêj binivsîne. Nizanim behsa çi bikim Înano. Hewadîsên wêjeyî li hêla te hene bêhtir, loma jî tu bêhtir binivsîne û behsa her tiştî bike. Li vir tişt miştên siyasî ne û tu zanî ez çiqas ji siyasetê nefffrreet dikim.

Dixwazim çend royan telefona xwe bigirim Înano lê soxe rojnamegerî dest nade. 

Li Levent Usta, Cotmeh 2016

Medê min pir li hev dikeve lo.. Xwezila min nizanibûya bigota ''medê min dixele'' û her ez ew kurmancê biçûk ê ku hay ji kurmancbûna xwe tine ye bûma.

Silavên gulavên nifirên bi şêranî li te dikin.

Omeros